Oralda belgisiz bireýler bankomatty buzyp, tonap ketken
ORAL. QazAqparat – Oralda belgisiz bireýler bankomatty buzyp, qarjy jymqyryp ketken, dep habarlaıdy QazAqparat tilshisi.
Oqıǵa búgin «MegaStroı» saýda úıinde boldy. Belgisiz bireýler osyndaǵy «Qazaqstan Halyq banki» AQ-ǵa tıesili bankomatty buzyp, aqshasyn alyp ketken.
BQO polıtsııa departamenti baspasóz qyzmetiniń málim etkenindeı, oqıǵa týraly saǵat 11.00-de habar túsken.
Qazirgi kezde keltirilgen shyǵyn anyqtalý ústinde. Osy qylmysqa qatysy bar kúdiktilerdi anyqtaý jáne ustaý baǵytynda jedel izdestirý sharalary júrgizilýde.
