Oralda belgisiz bireý túrmeniń aýlasyna 17 uıaly telefon laqtyrǵan
ORAL. QazAqparat – Oralda belgisiz bireý túrmeniń aýlasyna uıaly telefondar laqtyrǵan, dep habarlaıdy QazAqparat tilshisi.
BQO boıynsha qylmystyq-atqarý júıesi departamentiniń baspasóz qyzmetinen túsken málimetke qaraǵanda, oqıǵa RÝ-170/3 mekemesinde oryn aldy.
Mekeme qyzmetkerleriniń qyraǵylyǵy men tıisti is-qımyly arqasynda túrme aýlasyna laqtyrylǵan iri kólemdeni tyıym salynǵan zattar tárkilendi.
Qaraýyl beketiniń saqshysynan tyıym salynǵan aımaq tusynan belgisiz bireýdiń zat laqtyrǵany týraly dabyl belgisi kelip túsken. Dereý jetken qaraýyl jáne kezekshi aýysym qyzmetkerleri túzeý mekemesiniń aýmaǵynan polımerli qaptamany tapty.
Qaptama ishine 17 uıaly telefon, 19 dana qýattandyrǵysh qurylǵy, 55 dana sım karta jáne 1 dana jad kartasy jasyrylǵan bolyp shyqty.
Qazirgi tańda uıaly telefondar tıisti organdarǵa berilip, qyzmettik tergeý júrgizilýde.
Eske sala keteıik, budan buryn Oralda esirtkimen ustalǵan Atyraý turǵynynyń polıtseıge para bergenin jazǵan bolatynbyz.
