Oralda belgisiz bireý turǵyndy tonap, avtokóligin alyp ketken
BQO polıtsııa departamentiniń resmı ókili Bolatbek Nurǵojınniń málim etkenindeı, 1983 jylǵy er adam ózine qaraqshylyq shabýyl jasalǵany jóninde shaǵym túsirgen.
Belgisiz bireý kúsh qoldanyp, onyń telefonyn, aqshasyn tartyp alǵan. Sosyn onyń «SUBARU OUTBACK» avtokóliginiń rýline otyryp, oqıǵa ornynan boı tasalaǵan.
Atalǵan derek boıynsha QR QK 191-baby 2-bóligine (kisi tonaý) sáıkes qylmystyq is qozǵaldy.
Jábirlenýshi keltirilgen zalal mólsherin 7 mln 850 myń teńge kóleminde baǵalady.
«Sol boıda jedel izdestirý is-sharalary júrgizilip, 1985 jylǵy kúdikti anyqtalyp, ustaldy. Ol avtokólikti satyp úlgermegen. Kólik ıesine qaıtaryldy», dedi QazAqparat tilshisine B.Nurǵojın.
Eske sala keteıik, budan buryn Oralda dárihanada zańsyz qyzmet áshkerelenip, 700 myń teńgeniń taýary tárkilengenin jazǵan bolatynbyz.