Oralda belgisiz bireý saýda ortalyǵyna «bomba qoıdy»

ORAL. QazAqparat – Oral qalasynda saýda ortalyǵynda bomba bar degen habar jalǵan bolyp shyqty, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 31 mamyr kúni Ábilqaıyr han dańǵyly boıynda ornalasqan «Oral» saýda oıyn-saýyq ortalyǵynda boldy.

«Saǵat 09.25-te 102 telefonyna atalmysh ortalyqqa bomba qoıylǵany jóninde habar túsken. Polıtsııa qyzmetkerleri sol mańdy qorshap, saýda ortalyǵynan adamdardy shyǵardy. Saperler saýda ortalyǵy men sol mańdy qaraǵan kezde jarylǵysh zat tabylǵan joq. Atalǵan derek Oral qalasy aqparattardy esepke alý kitabynda tirkeldi. Jyl basynan beri oblys aýmaǵynda osyndaı úsh oqıǵa boldy. Sonyń bireýi boıynsha QR QK 273-babyna sáıkes sotqa deıingi tergeý amaldary júrgizilip jatyr», - dep habarlady vedomstvodan.

Eske sala keteıik, budan buryn Oralda kópirden sekirip ketken 22 jastaǵy jigittiń kóz jumǵanyn jazǵan edik.

Sondaı-aq BQO-da belgisiz bireý «Toıota Kamrı» avtokóligin jaǵyp jibergen.