Oralda belgili sýretshi J.Aralbaevtyń kórmesi ashyldy
ORAL. QazAqparat - S.Ǵumarovtyń mýzeı-úıinde Qazaqstan Sýretshiler odaǵynyń múshesi, qazirgi kezde Atyraý qalasynda turatyn Jolaman Aralbaevtyń «Qyr kenebindegi tamshylar» atty kórmesi ashyldy.
Atalmysh shara belgili qylqalam sheberiniń 70 jyldyǵyna oraılastyryldy. Bókeı ordasy aýdanynda dúnıege kelgen Jolaman Aralbaevtyń qabiletin áıgili grafık Evgenıı Sıdorkın baıqap, onyń Almaty kórkemsýret ýchılışesine túsýine yqpal etken. J.Aralbaev ataqty sýretshi Salahıtdın Aıtbaevtyń shákirti.
Sýretshiniń shyǵarmalary 2000 jyldan bastap respýblıkalyq kórmelerge qoıylyp, keńinen tanyldy. Onyń 12 kartınasy Batys Qazaqstan oblystyq tarıhı-ólketaný murajaıynyń qorynda saqtaýly.
Bul joly 15 naýryzǵa deıin turatyn kórmege J.Aralbaevtyń «Ótkenniń únsiz kýágeri», «Ómir», «Qara sýyq», «Qazaq jeri»» «Kún balasy», «Jazǵy jaılaýdaǵy kesh» syndy týyndylary qoıylǵan.
