Oralda bazardaǵy jarylys: bir adam jansaqtaý bóliminde jatyr
ORAL. KAZINFORM - Oralda «El yrysy» bazarynda bolǵan gaz ballony jarylýy saldarynan zardap shekkenderdiń biri jansaqtaý bóliminde jatyr.
BQO densaýlyq saqtaý basqarmasy baspasóz qyzmetinen málim etkenindeı, oqıǵa ornyna 5 medıtsınalyq jedel járdem brıgadasy bardy.
«Barlyǵy on adam zardap shekse, sonyń ekeýi - ul bala. Eki eresek adam medıtsınalyq kómekten bas tartty. Qazirgi ýaqytta patsıentterdiń ishinde 1 eresek adam jansaqtaý bólimshesinde. Tórteýi travmatologııa bólimshesinde, taǵy bireýine ambýlatorııalyq em taǵaıyndalyp, úıine jiberildi. Eki jasóspirim oblystyq kópbeıindi balalar aýrýhanasynda. Olardyń barlyǵy da dárigerlerdiń tekserilýinen tıisti em alýda», dep habarlady vedomstvodan.
Eske sala keteıik, Oralda bazarda mal soıatyn orynda gaz ballony jarylǵanyn jazǵan bolatynbyz.
