Oralda bazarda mal soıatyn orynda gaz ballony jaryldy

ORAL. KAZINFORM - Oral qalasynda «El yrysy» bazarynda gaz ballony jaryldy.

BQO TJ departamentiniń baspasóz qyzmetinen málim etkenindeı, oqıǵa 16 maýsym kúni saǵat 10.00-den kete mal soıýǵa arnalǵan orynda boldy.

«Aldyn ala málimet boıynsha barlyǵy 10 adam zardap shekse, sonyń ekeýi - kámeletke tolmaǵandar. Eki adam dárigerler qaraǵannan keıin úılerine jiberildi. Gaz ballonyn durys qoldanbaý osyndaı oqys oqıǵalarǵa jıi soqtyrýda. TJ departamentiniń qyzmetkerleri munyń aldynda qaýipsizdik boıynsha reıd te júrgizgen», - dep habarlady vedomstvodan.

Qazirgi kezde oqıǵanyń jaı-japsary men sebep-saldary anyqtalý ústinde.

Eske sala keteıik, budan buryn Oralda qurbandyq mal shalynatyn oryndar baqylaýda bolatynyn jazǵan edik.