Oralda basqarma basshysynyń orynbasary óz kabınetinde asylyp qaldy
ORAL. QazAqparat - Oralda oblystyq kásipkerlik jáne ındýstrıaldyq-ınnovatsııalyq damý basqarmasynyń qyzmettik kabınetinen er adamnyń denesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe bolǵan. Shamamen saǵat 21.00-de departamenttiń kezekshi bólimine basqarma basshysynyń orynbasary Hasen Toıasovtyń denesi tabylǵany jóninde habar túsken. Aldyn ala málimet boıynsha, ol asylyp qalǵan.
«Qazirgi kezde sotqa deıingi tergeý amaldary júrgizilýde», dep habarlady departamenttiń baspasóz qyzmetinen.
BQO densaýlyq saqtaý basqarmasynyń baspasóz qyzmetiniń málimetinshe, marqumnyń denesin kúzetshiler basshynyń demalatyn bólmesinen taýyp alǵan.
