Oralda basyna kirpish qulaǵan er adam kóz jumdy

ORAL. KAZINFORM  - Oral qalasynda basyna kirpish qulaǵan er adam mert boldy.

BQO Polıtsııa departamentiniń baspasóz qyzmetinen málim etkenindeı, oqıǵa 29 qańtar kúni G.Jýkov kóshesi boıynda boldy.

Toǵyz qabatty turǵyn úıdiń qurylys jumystaryn júrgizý kezinde bıiktikten kirpish qulap, sol tustan ótip bara jatqan er adamǵa tıgen.

- Er adam alǵan jaraqattary saldarynan oqıǵa ornynda kóz jumdy. Atalǵan derek boıynsha QR QK 277-babyna sáıkes qylmystyq is tirkelip, tergeý amaldary júrgizilip jatyr. Qazirgi ýaqytta oqıǵanyń mán-jaıy anyqtalyp jatyr, - dep habarlady vedomstvodan.

Eske sala keteıik, budan buryn Oralda jábirlenýshilerge 5 mln teńge zalal keltirgen alaıaq ustalǵanyn jazǵan bolatynbyz.