Oralda bas shyrshanyń shamy jaǵyldy
ORAL. QazAqparat - Oral qalasyndaǵy Táýelsizdik alańynda bas shyrshanyń shamy jaǵyldy, dep habarlaıdy QazAqparat HAA tilshisi.
Sharaǵa qatysýshylardy oblys ákimi Altaı Kólginov quttyqtap, ótip bara jatqan 2016 jyldyń tabys-jetistikterge toly bolǵanyn atap ótti. Óńirde táýelsizdik jyldary kóptegen nysandar boı kóterip, sonyń ishinde oblys ortalyǵy adam tanymastaı ózgerdi. Tek sońǵy kezdiń ózinde osy mańda Táýelsizdik alańy, Dostyq úıi, Saltanat saraıy, qalalyq kópbeıindi aýrýhana iske qosyldy. Oblysta 2016 jyly 250 shaqyrym jol kúrdeli jóndeýden ótip, jańadan salyndy. Turǵyn úı qurylysy qarqyndy júrgizilip, 1 500 páter paıdalanýǵa berildi. Munyń bári Elbasy bastamasymen qolǵa alynǵan memlekettik baǵdarlamalardyń óńirlerde júzege asyp otyrǵandyǵyn kórsetedi. Eń basty maqsat halyqtyń ál-aýhatyn kóterip, el birligin arttyrý bolyp tabylady. Bul baǵyttaǵy jumystar jańa jylda da jalǵasa bermek.
Qalanyń jańa alańynda oblystyń shyǵarmashylyq ujymdary kontsert qoıyp, turǵyndar muz aıdynynda serýendeýge de ýaqyt tapty.
Aıta keteıik, sondaı-aq qalanyń ortalyq tusyndaǵy Abaı alańynda, «Lepestok» saıabaǵynda, Jaıyq ózeniniń jaǵalaýynda, Zachagan kentinde, barlyǵy bes jerde ornatylǵan shyrshanyń shamy jaǵyldy.
