Oralda bankomat janynda zeınetkerdiń aqshasyn alyp qashqan turǵyn ustaldy
BQO polıtsııa departamenti baspasóz qyzmetiniń jetekshi mamany Móldir Sadyrǵalıevanyń aıtýynsha, oqıǵa Qurmanǵazy kóshesinde ornalasqan bankomat janynda boldy.
Belgisiz er adam kúsh kórsetip, zeınetkerdiń 125 myń teńgesin ashyqtan-ashyq tonamaq bolǵan.
Jedel kezekshi pýltine 1953 jylǵy turǵyn habarlasyp, belgisiz jas adamnyń ózine shabýyl jasap, aqshasyn alyp, boı tasalaǵany jóninde habarlaǵan. Kúdiktiniń shabýyldaǵan sáti beınekameraǵa túsip qalǵan.
Kúdikti birneshe mınýttan keıin qolǵa tústi. Ol Oral qalasynyń esh jerde jumys jasamaıtyn 1985 jylǵy turǵyny bolyp shyqty.
Kúdikti kinásin moıyndady, oǵan qatysty QR QK 191-baby 2-bóligine (tonaýǵa árekettený) sáıkes tergeý amaldary júrgizilýde.
Eske sala keteıik, Oralda oq atyp, adamdy óltirýge oqtalǵan turǵynnyń uzaq merzimge sottalǵanyn jazǵan bolatynbyz.
Sondaı-aq Oralda poıyz er adamdy qaǵyp ketti.