Oralda balkon órtenip, 25 adam evakýatsııalandy
ORAL. QazAqparat - Oral qalasynda turǵyn úıdegi órtten 25 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, keshe keshkisin saǵat 21.24-te «Qurylysshy» shaǵynaýdany №19 úıde órt bolyp jatqany jóninde habar túsken.
Órt sóndirýshiler jetkende, 9 qabatty úıdiń balkonynda jeke zattar men tereze jaqtaýy janyp jatqany anyqtaldy. Órt aýmaǵy 12 sharshy metrdi qamtydy.
Órt sóndirý barysynda 25 adam evakýatsııalansa, sonyń úsheýi - balalar.
«Tilsiz jaýdy» aýyzdyqtaýǵa jeke quramnan 8 adam, 2 tehnıka jumyldyryldy. Órt 22.20-da sóndirildi.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalýda.
