Oralda balalar úıinen qashyp ketken 2 jasóspirim saıajaıdan tabyldy
BQO polıtsııa departamentiniń baspasóz qyzmetinen málim etkenindeı, jedel izdestirý is-sharalary barysynda Zachagan polıtsııa bóliminiń ýchaskelik ınspektorlary 12 qyrkúıek kúni shamamen saǵat 14.00-de 2007 jylǵy Maksım Fedýllev pen 2013 jylǵy Nıkolaı Harchenkony Melovye gorkı aýdanynda ornalasqan «Komarovo» saıajaı qoǵamynyń qaraýsyz qalǵan úıinen tapty.
«Іzdestirý jumystaryna BQO polıtsııa departamentiniń barlyq jeke quramy, eriktiler men janashyr adamdar jumyldyryldy. Іzdeý eki kún boıy júrgizildi. Jasóspirimder qashý sebebin zerikkendikten dep túsindirdi. Sol úıden urlanǵan zattar qosa tabylyp, tárkilendi. Dárigerler qaraǵannan keıin eki jasóspirim otbasylyq úlgidegi balalar aýylyna jetkizildi. Medıtsınalyq tekserý barysynda dene jaraqattary anyqtalǵan joq, kámeletke tolmaǵandar tarapynan shaǵymdar túspedi. Oqıǵa ornynda polıtsııa qyzmetkerleri jumys istedi. Qazirgi kezde QR QK 188-babyna (urlyq) sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn Oralda balalar úıinen qashqan eki jetkinshektiń izdestirilip jatqanyn jazǵan bolatynbyz.