Oralda balalar úıinen qashqan eki jetkinshek izdestirilip jatyr
BQO polıtsııa departamenti baspasóz qyzmetinen túsken málimetke qaraǵanda, oqıǵa Zachagan kentindegi otbasylyq úlgidegi balalar aýylynda bolǵan.
«10 qyrkúıek kúni shamamen saǵat 11.30-da 2007 jylǵy Maksım Fedýllev pen 2013 jylǵy Nıkolaı Harchenko belgisiz baǵytta shyǵyp, joǵalyp ketken. Erekshe belgileri: M.Fedýllev aryqsha kelgen, boıy 160-165 sm, shashy qara, qoı kózdi. N.Harchenko da aryqsha kelgen, boıy 145-150 sm, shashy ashyq-sary, qysqa, qoı kózdi. Olardy kórgen adamdar bolsa, 8-777-184-04-90 nemese 102 telefonyna habarlasa alady. Qazirgi kezde izdestirý jumystaryna barlyq jeke quram jumyldyryldy», - dep habarlady vedomstvodan.
Jasóspirimniń ekeýi de 20-mektepte oqıdy.
Eske sala keteıik, budan buryn Oralda stýdenttiń dene shynyqtyrý sabaǵy ústinde qaıtys bolǵanyn jazǵan edik.