Oralda balalar men anasynyń gazdan qalaı ýlanǵany belgili boldy

ORAL. KAZINFORM — Oral qalasynyń Zachagan kentinde ornalasqan jeke turǵyn úıde adamdardyń tabıǵı gazben ýlaný deregi tirkeldi.

BQO ákimdiginen málim etkenindeı, 18 jeltoqsan kúni bir otbasynyń 6 múshesi: 1 eresek adam jáne 5 bala ýlaný belgilerimen medıtsınalyq uıymǵa jetkizildi.
Zardap shekkender jaldamaly turǵyn úıde turǵan.
Oqıǵa týraly habar túsken boıda tótenshe jaǵdaılar qyzmeti, jedel járdem, «QazaqGazAimaq» AQ jáne jergilikti atqarýshy organ ókilderi tarapynan qajetti sharalar qabyldandy.

Ýlaný turmystyq gazdy paıdalaný kezinde qaýipsizdik talaptarynyń buzylýy saldarynan bolǵan. Gaz kózi zalalsyzdandyrylyp, turǵyndardyń qaýipsizdigi qamtamasyz  etildi.

- Oblystyq densaýlyq saqtaý basqarmasynyń málimetinshe, tabıǵı gazben ýlaný ortasha dárejede tirkelgen. Qazirgi ýaqytta balalardyń jaǵdaıy turaqty, medıtsınalyq baqylaýda. Anasyna qajetti em júrgizilip jatyr. Oqıǵanyń mán-jaıy anyqtalyp jatyr. Aldyn ala derekter boıynsha turǵyn úıde gaz jabdyǵyna tehnıkalyq qyzmet kórsetý boıynsha tıisti kelisimsharttyń bolmaýy anyqtalǵan. Atalǵan derekke qatysty qoldanystaǵy zańnama aıasynda tıisti sharalar qabyldanatyn bolady, - dep habarlady vedomstvodan. 

Eske sala keteıik, budan buryn gazdan ýlanǵan ana men 5 balanyń aýrýhanaǵa jatqyzylǵanyn jazǵant bolatynbyz.