Oralda balalar alańynda er adam asýly kúıi tabyldy
ORAL. QazAqparat – Oralda 60 jastaǵy er adam kópqabatty úıdiń aýlasynda asýly kúıi tabyldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, oqıǵa búgin tańerteń I.Ların kóshesi, 6 mekenjaıynda boldy.
«Saǵat 06.15-te I.Ların kóshesindegi úıdiń aýlasyndaǵy balalar alańynda 1961 jylǵy er adamnyń asylyp turǵany jóninde habar tústi. Marqumnyń ózi sol úıde turǵan. Sot-medıtsınalyq saraptama taǵaıyndaldy. Oqıǵanyń jaı-japsary anyqtalý ústinde», - dep habarlady vedomstvodan.
Oblystyq Densaýlyq saqtaý basqarmasynyń málimetine qaraǵanda, jedel járdem saǵat 07.00-de shaqyrylǵan. Er adam azıat pishindes.
Eske sala keteıik, budan buryn Oralda turǵyn úı órtenip, 83 jastaǵy keıýananyń aýrýhanaǵa jatqyzylǵanyn jazǵan bolatynbyz.
