Oralda balalar 9 qabatty úıdiń shatyryna shyǵyp oınaǵan
ORAL. QazAqparat – Oralda toǵyz qabatty úıdiń shatyrynda oınap júrgen balalar vıdeoǵa túsip qaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa Zachagan kenti Murat Móńkeuly kóshesi 83/2-úıde bolǵan.
Áleýmettik jelide kishkentaı balalardyń úıdiń shatyrynda ata-analardyń qaraýynsyz oınap júrgeni týraly aqparat jarııalandy.
Vıdeony ýchaskelik polıtsııa ınspektorlary tekserip, balalar men olardyń ata-analary kim ekendigin anyqtady. Olarmen túsindirý jumystary júrgizildi. PIK-ter tóraǵalaryna shatyrǵa shyǵatyn qaqpa-esikterdiń bárin jaýyp qoıý jóninde eskertildi.
Polıtsııa qyzmetkerleri bul máseleni aldaǵy ýaqytta da nazarda ustaıtyn bolady.
Oralda qys kezinde de osyndaı oqıǵa bolyp, onda balalardyń kim ekendigi anyqtalmaǵan edi.
«Qazir jaz kezi, balalardyń dalaǵa kóbirek shyǵatyn ýaqyty. Sondyqtan ata-analardan perzentterinen kóz jazbaı, baqylaýdy suraımyz», dedi departamenttiń baspasóz qyzmeti.
