Oralda balabaqshanyń tóbesi qulady
ORAL. QazAqparat - Oralda qardyń jınalyp qalýyna baılanysty balabaqshanyń tóbesi qulady, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 12 aqpan kúni saǵat 08.20-da bolǵan.
T.Masın kóshesi 44-mekenjaıynda ornalasqan №19 «Zolotoı petýshok» balabaqsha-ıaslıi shatyrynyń bir bóligi opyrylǵan. Onyń kólemi - 35 sharshy metr. Tóbeniń jalpy alańy - 500 sharshy metr.
Zardap shekkender joq.
Oqıǵa ornyna TJ departamentinen 3 qyzmetker bir tehnıkamen bardy. Sondaı-aq, Oral qalasy turǵyn úı-kommýnaldyq sharýashylyǵy jáne bilim berý bólimderiniń ókilderi boldy.
Bıyl oblysta qardyń mol túskeni belgili. Sondyqtan TJ departamenti áleýmettik mekemeler, mektepter men balabaqshalar basshylaryna tóbelerdi qardan ýaqtyly tazartýǵa keńes berip otyr.
Eske sala keteıik, budan buryn Oralda turǵyn úıdiń tóbesi qulaǵanyn jazǵan bolatynbyz.
Foto: mgorod.kz
