Oralda balabaqshadan tórt bala juqpaly aýrýlar aýrýhanasyna tústi
ORAL. QazAqparat - Keshe Oral qalasyndaǵy №34 «Balbulaq» balabaqshasynan tórt búldirshin oblystyq juqpaly aýrýlar aýrýhanasyna túsken, dep habarlaıdy «QazAqparat» tilshisi.
Oral qalasy ákimdiginiń baspasóz qyzmetinen túsken málimetke qaraǵanda, aldymen bir bala ózin jaısyz sezinip, qusqannan keıin jedel járdem kóligimen aýrýhanaǵa jetkizilgen. Keshkisin sol toptan taǵy úsh bala atalmysh emdeý mekemesine jatqyzylǵan. Qazirgi tańda olardyń jaǵdaıy qalypty, bireýi úıine jiberildi.
Balalardyń neden aýyrǵany tıisti organdardyń zertteý qorytyndylarynan keıin belgili bolmaq.
