Oralda balabaqshada búldirshinderdiń ýlanýyna baılanysty qylmystyq is qozǵaldy
ORAL. QazAqparat - Bıylǵy 12 sáýirde Oral qalasyndaǵy №34 «Balbulaq» balabaqshasynyń tórt birdeı tárbıelenýshisi oblystyq juqpaly aýrýlar aýrýhanasyna túsken bolatyn, dep habarlaıdy «QazAqparat» tilshisi.
Oral qalalyq tutynýshylar quqyǵyn qorǵaý basqarmasynyń basshysy Mádenıet Tanaýovtyń aıtýynsha, qazir balalardyń barlyǵy jazylyp, balabaqshaǵa qaıta bardy. Olardyń úsheýine tamaq toksıkoınfektsııasy dıagnozy qoıylǵan bolatyn. Tekserý nátıjesinde balabaqshada jumys jasaıtyn tórt qyzmetkerdiń stafılokokk aýreýs aýrýynyń qozdyrǵyshyn alyp júrgeni anyqtaldy. Olar jumystan shettetilip, em alý ústinde.
«Kúni búgin abaısyzda adamdardyń ýlanýyna soqtyrǵan sanıtarlyq erejelerdiń nemese gıgıenalyq talaptardyń buzylý deregi boıynsha qylmystyq is qozǵalyp, sotqa deıingi tergeý amaldary júrgizilýde. Endi sonyń nátıjesi boıynsha tıisti sharalar alynatyn bolady. Atap aıtqanda, is qysqartylsa, jaýapty qyzmetkerler ákimshilik jaýapkershilikke tartylýy múmkin. Al sotqa deıin jetken jaǵdaıda tıisti úkim shyǵarylady», dedi M.Tanaýov.
