Oralda bala men er adam septıkke batyp ketti
ORAL. QazAqparat - Oral qalasynda bes jasar bala men er adam septıkke batyp ketti, dep habarlaıdy QazAqparat tilshisi.
Turǵyndardyń sózine qaraǵanda, qaıǵyly oqıǵa keshe qalaǵa qarasty Derkól aýyly mańyndaǵy saıajaı qoǵamynda oryn aldy. Septıkke áýeli bala túsip ketken. Er adam ony qutqaramyn dep umtylǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, jedel járdem saǵat 14.25-te shaqyrtylǵan. 2013 jylǵy bala men shamamen otyz jastardaǵy er adam jedel járdem kelgenge deıin kóz jumǵan.
Qazirgi kezde oqıǵanyń jaı-japsary anyqtalýda.
BQO TJ departamenti jedel qutqarý jasaǵynyń bas qutqarýshysy Aıagóz Qojanbaevanyń naqtylaýynsha, «Sadovod» saıjaı seriktestiginde káriz qudyǵyna bala qulap ketkeni jóninde saǵat 14.38-de qońyraý shalynǵan. Oqıǵa ornyna 4 qutqarýshy jáne 1 tehnıkadan turatyn jedel top jetken kezde balany qutqarǵysy kelgen er adamnyń da sasyq ıisti mólsherden tys jutqandyqtan, esinen tanyp, qaza bolǵany anyqtaldy. Qutqarýshylar arnaıy qurylǵynyń kómegimen káriz qudyǵyna túsken kezde áýeli er adamnyń, sosyn balanyn denesi tabyldy.
