Oralda «Baqytty áıel - qoǵam aınasy» baıqaýynyń jeńimpazdary anyqtaldy

Saltanatty rásimge qatysqan oblys ákimi Altaı Kólginovtiń atap ótkenindeı, talaı qıyn kezeńdi bastan ótkergen qazaq halqy elimizge jer aýdarylyp nemese basqa da sebeptermen kelgen túrli ult ókilderin shetke qaqpaı, qonaqjaılylyqtyń tóresin kórsetip, tórine ozdyrdy. Sonyń arqasynda qazirgi tańda Qazaqstanda 130-dan astam ult ókilderi tatý-tátti ǵumyr keshýde. Bul - halyqty birlik pen yntymaqqa, qoǵamdyq kelisimge shaqyryp, izgi maqsatqa jetelegen Elbasynyń salıqaly saıasatynyń nátıjesi. Atalmysh baıqaýdyń Alǵys aıtý kúnimen tuspa-tus kelýi de tegin emes. Óıtkeni osyndaı sharalardy uıymdastyra otyryp, biz ardaqty analarǵa, qymbatty apa-qaryndastarǵa, barsha arýlarǵa qurmet kórsetemiz. «Áıel bir qolymen besikti, ekinshi qolymen álemdi terbetedi» degendeı, urpaǵy úshin janyn salatyn áıel-ananyń ómirdegi orny ólsheýsiz ekendigi anyq. Sonyń ishinde múmkindigi shekteýli jandarǵa memleket tarapynan ǵana emes, oǵan qosa kásipkerlerdiń áleýmettik jaýapkershiligi aıasynda qoldaý jasala bermek. Endi kóktemniń alǵashqy kúninen bastap qolǵa alynǵan «Meıirimdi kóktem» jobasyna sáıkes jetim balalarǵa járdem berilmekshi. Mundaı sharalar tek kóktemmen shektelmeıdi, jyl boıy jalǵasady.
 

Jıynda sondaı-aq aqyn, Qazaqstan Jazýshylar odaǵy BQO bólimshesiniń tóraıymy, halyqaralyq «Alash» ádebı syılyǵynyń ıegeri Aqushtap Baqtygereeva kóktem qanatymen ilese kelgen meıram kúni áıelder qaýymyna kórsetilip otyrǵan qurmettiń mán-mańyzy erekshe ekendigin jetkizdi.
 

Sonymen, «Baqytty áıel - qoǵam aınasy» baıqaýynyń qorytyndysyna sáıkes Terekti aýdany Aqsýat aýyldyq okrýginiń ákimi Lıýbov Esqalıeva, bilim salasynda 45 jyldan astam ýaqyt eńbek etken Batys Qazaqstan ınnovatsııalyq-tehnologııalyq ýnıversıteti pedagogıka fakýltetiniń dekany Baıan Jumaqaeva, alty balanyń anasy Sábıra Erolıeva, densaýlyq saqtaý salasynan dáriger Tatıana Shkolnaıa, «Arba» qoǵamdyq birlestiginiń tóraıymy Gúlmıra Batpaqulova, prokýratýra salasynyń tájirıbeli qyzmetkeri Janar Nurmaǵambetova, Zelenov aýdany Mahambet aýylynan kelgen kásipker Jańylsyn Isqaqova, jýrnalıst, aqyn Uldaı Sarıeva, qarjyger Ádııa Dosanova, aýyl janashyry Marına Shamshıtova, áleýmettik qyzmetker Jupar Jubandyqova, bıshi, «Qyzǵaldaqtar» bı ansambliniń jetekshisi Raıhan Kójekesheva, sáýlet jáne qurylys salasynan Olga Nazarchýk túrli atalymdar boıynsha úzdik atandy.
 BQO boıynsha isker áıelder qaýymdastyǵynyń tóraıymy Lázzat Rysbekovanyń aıtýynsha, Qazaqstanda atalmysh qaýymdastyq quramynda 15 myńnan astam múshe bar. Olar ómirdiń túrli salasynda jemisti eńbek etýde.