Oralda BAQ ókilderi arasynda spartakıada márege jetti
ORAL. QazAqparat - «Oral» sport kesheninde Baılanys jáne aqparat qyzmetkerleri kúnine arnalǵan BAQ ókilderi arasynda spartakıada márege jetti, dep habarlaıdy «QazAqparat» tilshisi.
«Namys» sport klýby uıymdastyrǵan týrnırde respýblıkalyq jáne óńirlik BAQ ókilderi shaǵyn fýtbol, voleıbol, doıby, ústel tennısi, arqan tartý jáne «kóńildi sóreden» synǵa tústi. Týrnır barysynda «Qazaqstan Oral» telearnasy shaǵyn fýtbol, arqan tartý jáne «kóńildi sóreden» úzdik shyqsa, voleıboldan «Jaıyq Press» JShS komandasy jeńimpaz atandy. Ústel tennısi men doıbydan «Pýls goroda», «Jaıyq úni», «Ýralskıı reporter», «El jáne muǵalim» gazetteriniń birikken komandasy ozdy.
Jalpykomandalyq esepte «Qazaqstan Oral» telearnasy birinshi, «Jaıyq Press» JShS ekinshi, «Baspasóz hatshylary» komandasy úshinshi orynǵa ıe boldy. Jeńimpaz-júldegerlerge kýbok, medaldar men dıplomdar tabys etildi.
Jarysqa «OralTazaServıs» JShS (basshysy Azamat Bısenov) demeýshilik etti.
Oral qalasy dene shynyqtyrý jáne sport bóliminiń basshysy Azamat Nurmuhanbetovtiń aıtýynsha, únemi jańalyqtyń jarshysy bolyp júretin BAQ ókilderi arasynda mundaı spartakıadany ótkizýdiń mańyzy zor. Bul olardyń sportta shynaıy básekelestigin kórsetip, salaýatty ómir saltyn ornyqtyrýǵa septigin tıgizedi.
