Oralda baǵanǵa soǵylǵan Toyota júrgizýshisiniń hali óte aýyr

ORAL. QazAqparat - Jarnama qalqanynyń baǵanyna soǵylyp, 20 jastaǵy jolaýshysy qaıtys bolǵan «Toyota» avtokóliginiń júrgizýshisi de óte aýyr halde. Ol qazir jansaqtaý bóliminde jatyr, dep habarlaıdy QazAqparat tilshisi.

«1993 jylǵy júrgizýshi jabyq bas-mı jaraqatyn alǵan. Mıy shaıqalǵan. Buǵanasy men jambasy synǵan. Jaǵdaıy óte aýyr. Ol oblystyq aýrýhananyń jansaqtaý bóliminde jatyr», - dep habarlady vedomstvodan.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jol apatynan qatty jaraqattanǵan 20 jastaǵy qyz óte aýyr jaǵdaıda aýrýhanaǵa túsken edi. Birden oblystyq aýrýhananyń jansaqtaý bólimine jatqyzylǵan. Biraq, onyń ómirin aman alyp qalý múmkin bolmady. Búgin tańda kóz jumdy.