Oralda badmıntonnan halyqaralyq jarys jeńimpazdary anyqtaldy
ORAL. QazAqparat - Oralda badmıntonnan eresekter arasynda «Condensate Apacs Kazakhstan International Series 2018» halyqaralyq týrnıri márege jetti, dep habarlaıdy QazAqparat tilshisi.
International serııasyna jatatyn jarysqa Qazaqstan, Ózbekstan, Reseı, Belarýs, Moldova, Avstralııa elderinen jetpisteı sportshy qatysyp, baq synady.
Olar olımpıadalyq oıyn túri sanalatyn badmıntonnan erler men áıelder arasynda jekeleı, juptyq synda, sondaı-aq mıksten sheberlik baıqasty. Oǵan qosa sátti óner kórsetkenderdiń halyqaralyq badmınton federatsııasy reıtıngisindegi oryndary joǵarylaıdy.
Týrnır qorytyndysynda erler arasynda jekeleı synda qazaqstandyq Dmıtrıı Panarın, áıelderden reseılik Anastasııa Redkına chempıon atandy. Juptyq synda qazaqstandyqtar Artýr Nııazov pen Dmıtrıı Panarın, áıelderden reseılikter Ekaterına Kadochnıkova men Anastasııa Redkına ozyp shyqty. Mıksten reseılikter Rodıon Kargaev pen Vıktorııa Vorobeva jeńis tuǵyryna kóterildi.
Eske sala keteıik, budan buryn badmıntonnan Oralda halyqaralyq jarys ótip jatqanyn jazǵan bolatynbyz.
