Oralda Azıadaǵa arnalǵan esse baıqaýy márege jetti
ORAL. 27 qańtar. QazAqparat /Eljan Eraly/ - Oral qalasynda «Azıada-2011 men úshin qanshalyqty mańyzdy?» atty esse baıqaýy márege jetti.
Oraldaǵy www.infoportal.kz aqparattyq portaly oblystyq týrızm, dene shynyqtyrý jáne sport basqarmasy, oblystyq «Oral óńiri» jáne «Prıýrale» gazetterin biriktiretin «Jaıyq Press» JShS-men birlesip uıymdastyrǵan baıqaý qorytyndysynda qazaq tilinde esse jazýdan «Nur Otan» HDP oblystyq fılıaly «Jas Otan» jastar qanaty atqarýshy hatshysynyń orynbasary Darhan Qadyrálıev, orys tilindegi báıgeden Jańaqala aýdany ortalyǵynda turatyn 10-synyp oqýshysy Áıgerim Óteshqalıeva kóp daýysty ıelenip, birinshi oryndy jeńip aldy. Sóıtip Azıada joldamasyn enshilegen Darhan Astanaǵa, Áıgerim Almatyǵa jol tartatyn boldy.
«Jaıyq Press» JShS bas dırektory Jantas Safýllınniń aıtýynsha, Azııa oıyndaryn halyq arasynda keńinen nasıhattaýǵa baǵyttalǵan atalmysh baıqaýǵa barlyǵy 15 batysqazaqstandyq qatysqan. Azıadaǵa arnalǵan qalǵan eki baıqaý (sporttyq vıktorına men balalardyń ashyq sýret baıqaýy) keıin qorytyndylanatyn bolady.
