Oralda Azıada jeńimpaz-júldegerlerine qurmet kórsetildi
ORAL. 14 aqpan. QazAqparat /Eljan Eraly/ - 7-qysqy Azııa oıyndaryna qatysyp, taıaýda ǵana el qorjynyn bir altyn, qos qolamen tolyqtyrǵan batysqazaqstandyq júldeger sportshylardy 14 aqpanda oblys ákiminiń birinshi orynbasary Nurlan Noǵaev arnaıy qabyldady.
Qabyldaý rásimine jeńimpaz sportshylardan basqa olardyń jattyqtyrýshylary men sport ujymdarynyń basshylary, qala ákimi Samıǵolla Orazov qatysty.
Kezdesý barysynda Nurlan Asqaruly qurlyqtyń eń úlken saıysynyń mańyzyna toqtalyp, Azıada jeńimpazdaryn tolaǵaı tabysymen quttyqtady. Budan soń jeńimpazdar men júldegerler ákimshilik tarapynan marapattalyp, olarǵa aqshalaı syılyq tabys etildi. Komandanyń jeńiske jetýine zor eńbek sińirgen dopty hokkeıden Qazaqstan quramasynyń jáne «Aqjaıyq» komandasynyń bas bapkeri Alekseı Nıkıshovke jańadan salynatyn úılerdiń birinen eki bólmeli páter beriletin boldy.
Oblys ákimdiginiń sportshylarǵa kórsetken syı-qurmetine rızashylyǵyn bildirgen dopty hokkeıden oblystyq federatsııa prezıdenti ıAhııa Chýdrov jasandy muz aıdyny salynsa, Oralda sporttyń osy túrinen álem chempıonatyn ótkizýge bolatynyn aıtty.
