Oralda «Azıada alaýy» ánurany shyrqaldy
ORAL. 18 qańtar. QazAqparat /Eljan Eraly/ - Oral qalasynda 7 qysqy Azııa oıyndarynyń alaýyn saltanatpen alyp júrý rásimi márege jetti.
Qalanyń basty kóshelerimen alaýmen barlyǵy 60 adam júgirip ótti. Eń sońynda sambodan halyqaralyq dárejedegi sport sheberi, Azııa chempıony, Álem kýbogi kezeńiniń jeńimpazy Medet Ońdaǵanov alaýdy muz aıdyny saraıyna jetkizdi.
Muz aıdyny saraıynda oblys ákimi Baqtyqoja Іzmuhambetov jınalǵandardy merekemen quttyqtap, Azııa oıyndarynyń el ómirindegi mańyzy zor ekendigin atap ótti. Azııa oıyndarynda baq synaıtyn barlyq sportshylarǵa jeńiske jetýine tilektestigin bildirdi.
Halyq lyq tolǵan saraıda belgili ánshi-kompozıtor, Qazaqstannyń halyq ártisi, Memlekettik syılyqtyń laýreaty Eskendir Hasanǵalıev ózi jazǵan «Azıada alaýy» ánuranyn uly, «Daryn» memlekettik syılyǵynyń ıegeri Birjanmen birge shyrqady. Saltanatty shara merekelik kontsertke ulasty.
Búgin keshke Azıada alaýy Aqtóbege jol tartady.
