Oralda aıyppulyn tólemegen turǵyn bes táýlikke qamaldy
ORAL. QazAqparat - Oralda aıyppulyn tólemegen turǵyn bes táýlikke qamaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, B. degen turǵynnyń úsh ret jol qozǵalysy erejesin buzǵany úshin salynǵan jalpy somasy 36075 teńge kólemindegi aıyppuldy tóleýden jaltarǵany anyqtaldy.
Atalǵan derek boıynsha QR Ákimshilik quqyqbuzýshylyq kodesiniń 669-babyna (sot úkimin, sot sheshimin nemese ózge de sot aktisin jáne atqarýshylyq qujatty oryndamaý) sáıkes is qozǵaldy.
Oral qalasy mamandandyrylǵan ákimshilik soty B-ny bes táýlikke qamaqqa alý jóninde sheshim qabyldady.
Aıta keteıik, ákimshilik aıyppuldardy óndirý maqsatynda mundaı jumystar aldaǵy ýaqytta da kúnbe-kún jalǵasatyn bolady.
