Oralda «Aıgúl» bazarynan órt shyqty
ORAL. QazAqparat – Oralda «Aıgúl» bazarynda órt boldy, dep habarlaıdy QazAqparat tilshisi.
BQO Tótenshe jaǵdaılar departamentinen málim etkenindeı, órt S.Tıýlenın kóshesi 49/1 mekenjaıynda ornalasqan «Aıgúl» bazarynda búgin saǵat 18.10-da bastalǵan.
Kafege laıyqtalǵan 2 konteıner, avtokóliktiń qosalqy bólshekterin satatyn taǵy bir konteıter otqa orandy.
60 sharshy metr aýmaqty qamtyǵan órt jalyny jeńil avtokóliktiń tirkemesin de sharpydy.
«Tilsiz jaýdy» aýyzdyqtaýǵa 47 qyzmetker, 18 tehnıka jumyldyryldy. Órt 18.30-da oqshaýlandyrylyp, 18.40-ta sóndirildi.
Zardap shekkender joq.
«Órt sóndirý bólimsheleriniń tez jetip, jedel áreket jasaýy nátıjesinde jalynnyń órshýine jol berilgen joq. Taǵy bir qaýip, oqıǵa bolǵan jerdiń qasynda «Zolotaıa chasha» bazary bar edi. Órt qaýipsizdigi talaptaryna saı kelmegendikten, kezinde bul bazardy jabý jóninde sotqa qujat joldadyq. Kez kelgen nysan ıesi órt qaýipsizdigi erejelerin qatań saqtaý kerektigin esten shyǵarmaýy tıis», - dedi departament bastyǵy Jasulan Jumashev.
Eske sala keteıik, budan buryn BQO-da 3 mekteptiń shatyry ushyp, elektr baǵandary qulaǵanyn jazǵan bolatynbyz.
