Oralda áıeli kúıeýin pyshaqtap óltirdi
ORAL. QazAqparat – Oralda qonaqqa baryp kelgennen keıin áıeli kúıeýin pyshaqtap óltirdi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 20 qańtar kúni saǵat 02.00 shamasynda erli-zaıyptynyń páterinde boldy.
Onyń aldynda ekeýi týysqandarynyń úıinen qonaqtan kelip, mas kúıinde bolǵan. Bir-birimen sózge kelip, 36 jastaǵy áıel kúıeýine pyshaq jumsaǵan.
Alǵan jaraqattary saldarynan er adam kóz jumdy.
Qazirgi kezde QR QK 99-baby 1-bólimine (kisi óltirý) sáıkes tergeý amaldary júrgizilýde. Bul bap boıynsha aıypty adam 8-den 15 jylǵa deıin bas bostandyǵynan aıyrylýy múmkin.
Kúdikti Oral qalasy polıtsııa basqarmasynyń ýaqytsha oqshaýlaý ızolıatoryna qamaldy.
