Oralda áıeldi qaǵyp óltirgen júrgizýshiniń ústinen is qozǵaldy
ORAL. QazAqparat - Oralda avtokóligimen áıeldi qaǵyp óltirgen júrgizýshiniń ústinen qylmystyq is qozǵaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, keshe saǵat 22.00 shamasynda 1992 jylǵy júrgizýshi «Lada 21705» kóligimen Eýrazııa dańǵyly boıynda jaıaý júrginshi ótkelinen ótip bara jatqan áıeldi qaǵyp ketken.
Alǵan jaraqattary saldarynan jaıaý júrginshi oqıǵa ornynda qaza boldy.
Atalǵan derek boıynsha Oral qalasy polıtsııa basqarmasy QR QK 345-baby 3-bóligine sáıkes qylmystyq is qozǵap, tergeý amaldaryn júrgizýde.
Eske sala keteıik, budan buryn Oralda avtokóliktiń áıeldi qaǵyp ketkenin jazǵan bolatynbyz.
