Oralda áıel jumysqa ornalastyramyn dep, 1 mln teńgeni ıemdenip ketken
ORAL. QazAqparat – Oralda áıel jumysqa ornalastyramyn dep, 1 mln teńgeni ıemdenip ketken, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, qazirgi kezde 1974 jylǵy áıelge qatysty QR QK 190-baby 1-bóligine sáıkes (alaıaqtyq) tergeý amaldary júrgizilýde.
Ol 40 jasar turǵyndy jumysqa ornalastyramyn dep aldaǵan. Alaıaqqa senip qalǵan áıel aqshasyn mamyr aıynda bergen. Úsh aı ótkennen keıin aldanǵanyn túsingen ol polıtsııaǵa shaǵymdanýdy jón kórgen.
Eske sala keteıik, budan buryn arzan páter ýáde etken áıeldiń oraldyqtardy 54 mln teńgege aldaǵanyn jazǵan bolatynbyz.
