Oralda áıel qaryzǵa bergen 14 mln teńgesin ala almaı júr
ORAL. QazAqparat – Oralda 21 jastaǵy turǵyn áıeldiń 14 mln teńgesin qaryzǵa alyp, qaıtarmaǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, atalǵan turǵyn 47 jastaǵy áıeldiń senimine kirip, aqshasyn alyp, aldap ketken.
Kúdikti ustalyp, odan eshqaıda ketpeý týraly qolhat alyndy.
Qazirgi kezde QR QK 190-baby 3-bóligine (alaıaqtyq) sáıkes sotqa deıingi tergeý amaldary júrgizilýde.
Polıtsııa departamentiniń derekterine qaraǵanda, s ońǵy kezde óńirde mundaı alaıaqtyq derekteri kóbeıip barady.
Oral qalasynyń 20 jastaǵy turǵyny júrgizýshi kýáligi men áskerı bıletti alamyn dep, 480 myń teńgesinen aıyrylǵan. Ol ótken jyldyń qyrkúıek aıynda qujattardy alyp beremin degen alaıaqtyń aldaýyna túsken. Aqyry aldanǵanyn bilip, jarty jyldan keıin polıtsııaǵa júgingen. Sonyń nátıjesinde 26 jastaǵy K. polıtsııa qyzmetkerleriniń qolyna tústi.
Taǵy bir, 1968 jylǵy oraldyq turǵyn jarty mln teńgesinen qaǵyldy. 40 jastaǵy áıel onyń senimine kirip, úıinde qurylys jumysyn júrgizemin (saty jasaımyn) dep, aqshasyn alyp ketken. Bul alaıaqtyń da basqa qylmystarǵa qatystylyǵy tekserilýde.
Eske sala keteıik, budan buryn atyraýlyq 21 jastaǵy alaıaqtyń Oral turǵynynyń 5 mln teńgesin alyp
