Oralda avtokólik kópiriniń trotýary opyrylyp ketken – ákimdik jaýap berdi
ORAL. KAZINFORM — Oral qalasynda avtopark aýdanyndaǵy kópirdiń trotýary opyrylyp ketkeni jóninde áleýmettik jelide aqparat jarııalandy.
Turǵynnyń sózine qaraǵanda, oqıǵa biraz ýaqyt buryn bolǵan.
- Eshkim kelip qaramaıdy. Qorshamaıdy da. Ásirese, túnde qaýipti. Ózim de balalarmen arǵy betke ótemin, qorqynyshty, - deıdi turǵyn.
Osy máselege baılanysty Kazinform tilshisi Oral qalasy ákimdigine arnaıy saýal joldaǵan edi.
Ákimdik málimetine qaraǵanda, budan buryn da atalǵan jer bitelgen. Biraq jańbyr sýy shaıyp ketip tur. Jóndeý jumystary júrgizilgenge deıin trotýardyń opyrylǵan tusy qorshalady.
- Avtopark aýdanyndaǵy jol ótkeline tehnıkalyq tekserý júrgizilip, onyń qorytyndysy boıynsha aǵymdaǵy jóndeý jumystarynyń kólemi aıqyndaldy. Qazirgi ýaqytta jóndeý jumystaryn bastaýǵa daıyndyq júrgizilip jatyr. Jóndeý jumystaryn bıylǵy tamyz aıynda bastaý josparlanyp otyr, - delingen resmı jaýapta.
Eske sala keteıik, budan buryn Oralda turǵyndar aýylda júrip-turýdyń qıyndyǵyn aıtyp shaǵymdanǵanyn jazǵan edik.
