Oralda avtokólik qaǵyp ketken jasóspirim qyz kóz jumdy

ORAL. KAZINFORM — Oral qalasynda adam ólimine soqtyrǵan jol-kólik oqıǵasy boldy.BQO polıtsııa departamentiniń baspasóz qyzmetinen alynǵan málimetke qaraǵanda, oqıǵa 20 maýsym kúni S. Datuly kóshesi boıynda kópirde boldy.

— Shamamen saǵat 17.30-da 2011 jylǵy qyz belgilenbegen jerden joldan júgirip ótip bara jatqanda, ony 1999 jylǵy júrgizýshi aıdaǵan «Lada Granta» avtokóligi qaǵyp ketken. Jedel járdem qyzmetkerleri qyzdyń janyn aman alyp qalýǵa tyrysqanymen, ol esin jımastan, oqıǵa ornynda kóz jumdy, — dep habarlady vedomstvodan. 

Qazirgi kezde oqıǵanyń jaı-japsary anyqtalý ústinde. 

Jol apatyna baılanysty sol tusta kólik keptelisi boldy. 

Eske sala keteıik, budan buryn Oralda top bolyp jınalǵan 21 jasóspirimniń polıtsııaǵa jetkizilgenin jazǵan bolatynbyz.