Oralda avtokólik qaǵyp ketken er adam mert boldy
ORAL. KAZINFORM – Oral qalasy men Zachagan kenti arasyndaǵy jolda avtokólik er adamdy qaǵyp ketti.
Oqıǵa 30 qyrkúıek kúni shamamen saǵat 10.00-de Isataı men Mahambet eskertkishi tusynda boldy. Jol apaty saldarynan Shaǵan ózeninen ótetin kópir mańynda joldyń bir jaǵy jabylyp, keptelis týyndady.
BQO polıtsııa departamenti baspasóz qyzmetiniń naqtylaýynsha, júrgizýshi Toyota Camry avtokóligimen Jáńgir han kóshesinde kele jatyp, rettelmegen jaıaý júrginshi ótkelinde er adamdy qaqqan. Jaıaý júrginshi oqıǵa ornynda jan tapsyrdy.
- Atalmysh derek boıynsha qylmystyq is qozǵaldy. Júrgizýshi ustalyp, avtokólik arnaıy turaqqa qoıyldy. Qazirgi kezde barlyq mán-jaıdy anyqtaýǵa baǵyttalǵan qajetti tergeý amaldary júrgizilip jatyr, - dep habarlady vedomstvodan.
Eske sala keteıik, budan buryn BQO-da zańsyz graffıtı salǵan jigittiń 5 táýlikke qamalǵanyn jazǵan edik.
