Oralda avtokólik qaǵyp ketken 68 jastaǵy er adam kóz jumdy
Oral qalasynda avtokólik qaǵyp ketken 68 jastaǵy er adam kóz jumdy, dep habarlaıdy Kazinform.
BQO polıtsııa departamenti baspasóz qyzmetinen túsken málimetke qaraǵanda, oqıǵa 28 qarasha kúni 4-shaǵynaýdanda boldy.
«Shamamen saǵat 08.30-da 1977 jylǵy júrgizýshi «Toıota Kamrı» avtokóligimen kele jatyp, jol qozǵalysy qaýipsizdigin qamtamasyz etpegen. Sóıtip belgilenbegen jerden ótpekshi bolǵan 1955 jylǵy er adamdy qaǵyp ketken. Saldarynan jaıaý júrginshi jolǵa qulaǵan kezde ony 1982 jylǵy júrgizýshi aıdap kele jatqan «GAZ-330202-14» avtokóligi basyp ketken. Er adam oqıǵa ornynda qaıtys bolǵan. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn Oralda muǵalimniń oqýshyǵa qol kóterý deregi boıynsha tekserý júrgizilip jatqanyn jazǵan bolatynbyz.
Posmotret etý pýblıkatsııý v Instagram
