Oralda avtokólik qaǵyp ketken 16 jastaǵy jasóspirim kóz jumdy

ORAL. KAZINFORM - Oral qalasynda avtokólik qaǵyp ketken 16 jastaǵy jasóspirim qaıtys boldy.

BQO densaýlyq saqtaý basqarmasy baspasóz qyzmetinen málim etkenindeı, oqıǵa 9 aqpan kúni Saraıshyq kóshesi 56-úı tusynda boldy.

«Saǵat 22.53-te jol-kólik oqıǵasy bolǵany jóninde jedel medıtsınalyq járdem stantsııasyna habar túsken. 2007 jylǵy jasóspirim óte aýyr jaǵdaıda oblystyq kópbeıindi aýrýhanaǵa jetkizildi. Dárigerler tarapynan júrgizilgen sharalarǵa qaramastan, alǵan jaraqattary saldarynan naýqas esin jımastan kóz jumdy», dep habarlady vedomstvodan.

BQO polıtsııa departamentiniń baspasóz qyzmeti oqıǵany rastap, qazirgi kezde tergeý amaldary júrgizilip jatqanyn jetkizdi.

Jasóspirimdi qaǵyp ketken «GAZel» avtokóliginiń júrgizýshisi ýaqytsha ustaý ızolıatoryna qamaldy.