Oralda avtokólik qaǵyp ketken 15 jasar jasóspirim óte aýyr halde jatyr

ORAL. KAZINFORM - Oral qalasynda avtokólik qaǵyp ketken 15 jasar jasóspirim oblystyq kópbeıindi balalar aýrýhanasynda óte aýyr halde jatyr.

BQO densaýlyq saqtaý basqarmasy baspasóz qyzmetinen málim etkenindeı, oqıǵa 24 maýsym kúni keshkisin Birlik kóshesi 23-úı mańynda boldy.

Qazirgi kezde jansaqtaý bóliminde jatqan balanyń jaǵdaıy óte aýyr.

Saǵat 19.10-19.20 aralyǵynda bolǵan osy oqıǵaǵa baılanysty jasóspirimniń jaqyn-jýyqtary kýágerlerdi izdestirýde.

BQO polıtsııa departamenti baspasóz qyzmetiniń naqtylaýynsha, júrgizýshi «VAZ-21043» avtokóligimen Oral-Saratov tas joly boıynda belgilenbegen jerden ótpekshi bolǵan jasóspirimdi qaǵyp ketken. Qazirgi tańda atalǵan derek boıynsha QR QK 345-baby 1-bóligine sáıkes sotqa deıingi tergeý amaldary júrgizilýde.

Eske sala keteıik, budan buryn Oralda oq jaraqatyn alǵan polıtsııa qyzmetkeriniń kóz jumǵanyn jazǵan bolatynbyz.