Oralda avtokólikten túk qalmaı órtenip ketti
BQO TJ departamentiniń baspasóz qyzmeti málim etkendeı, oqıǵa 20 qarasha kúni saǵat 04.19-da N.Nazarbaev dańǵyly 235/1-úıdiń aýlasynda boldy.
Hyndai Accent markaly avtokólik otqa orandy. Mashınanyń memlekettik tirkeý nómiri joq.
Zardap shekkender joq.
Avtokólik ıesi, keltirilgen shyǵyn anyqtalý ústinde.
«Tilsiz jaý» saǵat 04.42-de oqshaýlanyp, 04.53-te aýyzdyqtaldy.
Aldyn ala boljam boıynsha avtokólikti bireý órtegen.
BQO polıtsııa departamentiniń baspasóz qyzmeti oqıǵa ornyna polıtsııa qyzmetkerleriniń de barǵanyn, avtokóliktiń arnaıy turaqqa qoıylǵanyn jetkizdi.
Avtokólikti aıdap ketý deregi boıynsha polıtsııaǵa shaǵym túspegen.
Eske sala keteıik, budan buryn Batys Qazaqstanda órtengen eki úıden 3 gaz ballony shyǵarylǵanyn jazǵan bolatynbyz.
