Oralda avtokólik jolaýshylar avtobýsymen soqtyǵysyp, eki adam aýrýhanaǵa tústi
ORAL. QazAqparat - Oralda avtokólik jolaýshylar avtobýsymen túıisip, eki adam aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin túsqaıta saǵat 15.20 shamasynda oryn aldy.
Chagano-Naberejnaıa kóshesi boıynda «VAZ-2114» avtokóligi №5 baǵytpen júretin «Mersedes Benz» jolaýshylar avtobýsymen soqtyǵysty.
Saldarynan joldan túsip ketken «VAZ-2114» avtokóliginiń júrgizýshisi men jolaýshysy jedel járdem kóligimen aýrýhanaǵa jetkizildi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, qalalyq kópbeıindi aýrýhanaǵa jetkizilgen 1950 jylǵy er adam men 1951 jylǵy áıel aldyn ala dıagnoz boıynsha bas pen mıdyń jabyq jaraqatyn alǵan.
Avtobýs salonynda 50-60 adamdaı bolǵan. Olardyń jaraqat alǵan-almaǵany jóninde ázirge málimet joq.
Osy kúni qalada birneshe jol-kólik oqıǵasy tirkeldi.
A.Saqposynovanyń aıtýynsha, Zachagan kentindegi Jáńgir han kóshesi boıynda №20 mektep mańynda túsqaıta bolǵan jol apaty saldarynan 1989 jylǵy áıel men 2013 jylǵy qyz bala qalalyq kópbeıindi aýrýhanaǵa jetkizildi. Ekeýin de neırohırýrg qarady, bas pen mıdyń jaraqaty joq, ambýlatorlyq baqylaýǵa joldandy.
Eske sala keteıik, budan buryn Oralda reseılik azamattyń ózi satqan avtokólikti qaıta aıdap ketpek bolǵanyn jazǵan bolatynbyz.
