Oralda avtokólik jaıaý júrginshini qaǵyp ketti
ORAL. QazAqparat – Oralda avtokólik jaıaý júrginshini qaǵyp ketti, dep habarlaıdy QazAqparat tilshisi.
Oqıǵa 17 shilde kúni Zachagan kentindegi Jáńgir han kóshesi boıynda oryn aldy.
Kýágerlerdiń sózine qaraǵanda, Jáńgir han atyndaǵy Batys Qazaqstan agrarlyq-tehnıkalyq ýnıversıteti aıaldamasy mańynda bolǵan oqıǵa saldarynan stýdent jaraqat alǵan. Ony jedel járdem kóligi alyp ketti.
Oblystyq densaýlyq saqtaý basqarmasy basshysynyń orynbasary Gúlnár Ábdirahmanovanyń aıtýynsha, jedel járdem saǵat 17.08-de jetken. Zardap shekken jaıaý júrginshi oblystyq kópbeıindi aýrýhanaǵa jetkizildi.
Oblystyq polıtsııa departamentiniń baspasóz qyzmeti oqıǵanyń mán-jaıy anyqtalyp jatqanyn jetkizdi.
Eske sala keteıik, budan buryn Oralda avtokóliktiń velosıped mingen balany qaǵyp ketkenin jazǵan bolatynbyz.
