Oralda avtokólik jasóspirimdi qaǵyp ketti
ORAL. QazAqparat – Oralda avtokólik jasóspirimdi qaǵyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 3 maýsym kúni saǵat 08.40-ta Eýrazııa dańǵyly boıynda boldy.
«Býrger Kıng» dámhanasy tusynda 1991 jylǵy júrgizýshi «Shevrole» kóligimen belgilenbegen jerden ótip bara jatqan 16 jastaǵy jasóspirimdi qaǵyp ketti.
Sonyń saldarynan túrli jaraqat alǵan jasóspirim oblystyq balalar aýrýhanasyna jetkizildi.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda Armenııadan ákelingen eki avtokóliktiń tirkelgenin jazǵan bolatynbyz.
