Oralda avtokólik zeınetkerdi qaǵyp ketti
ORAL. QazAqparat – Oralda avtokólik zeınetkerdi qaǵyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa keshe keshkisin Saraıshyq kóshesinde boldy.
Saǵat 19.45-te belgisiz júrgizýshi «Aýdı» avtokóligimen rettelmeıtin jaıaý júrginshi ótkelinen ótip bara jatqan 1956 jylǵy er adamdy qaǵyp ketti.
Jol apaty saldarynan túrli jaraqat alǵan zeınetker oblystyq kópbeıindi aýrýhanaǵa jetkizilgenimen, keıin qaıtys boldy.
Polıtsııa departamenti qyzmetkerleri júrgizgen is-sharalar nátıjesinde 1968 jylǵy júrgizýshi anyqtalyp, ustaldy.
«Audi-80» avtokóligi arnaıy turaqqa qoıyldy.
Qazirgi kezde QR QK 345-baby 3-bóligine (abaısyzda adam ólimine soqtyrǵan jol qozǵalysy erejesin buzý) sáıkes sotqa deıingi tergeý amaldary júrgizilýde.
Oblystyq densaýlyq saqtaý basqarmasy baspasóz qyzmetiniń naqtylaýynsha, zeınetker jabyq bas-mı jaraqatyn alyp, mıy shaıqalǵan. Ol túnde kóz jumdy.
Eske sala keteıik, budan buryn Oralda eki avtokólik soqtyǵysyp, 2 adamnyń jaraqat alǵanyn bolatynbyz.
