Oralda avtokólik velosıpedpen júrgen 11 jasar eki balany qaǵyp ketti
ORAL. QazAqparat – Oralda avtokólik velosıpedpen júrgen 11 jasar eki balany qaǵyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa qalaǵa qarasty Krýgloozernyı kentinde boldy.
«49 jastaǵy júrgizýshi «Lada Kalına» avtokóligimen balalar alańy mańynda júrgen 11 jasar eki balany qaǵyp ketken. Zardap shekkender túrli jaraqatpen aýrýhanaǵa jetkizildi. Qazirgi kezde polıtsııa qyzmetkerleri oqıǵanyń mán-jaıyn anyqtaý ústinde», dedi QazAqparat tilshisine B.Belgibekov.
BQO densaýlyq saqtaý basqarmasynyń naqtylaýynsha, jedel járdem saǵat 13.43-te shaqyrylyp, brıgada bes mınýttan keıin jetti.
Aldyn ala málimetke qaraǵanda, 11 jasar eki bala jabyq bas-mı jaraqatyn alǵan, mılary shaıqalǵan. Ekeýi de oblystyq kópbeıindi aýrýhanaǵa jetkizildi.
Eske sala keteıik, budan buryn Oraldaǵy osy Krýgloozernyı kentinde burshaq jaýyp, baý-baqsha aǵashtaryna zııan kelgenin jazǵan bolatynbyz.
