Oralda avtokólik velosıped mingen jas jigitti qaǵyp ketti
ORAL. QazAqparat – Oralda avtokólik velosıped mingen jas jigitti qaǵyp ketti, dep habarlaıdy QazAqparat tilshisi.
Jol-kólik oqıǵasy 17 qazan kúni keshkisin M.Sholohov pen Ǵ.Qurmanǵalıev kósheleriniń qıylysynda boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 18.07-de shaqyrylyp, brıgada bes mınýttan keıin jetti.
Aldyn ala málimet boıynsha aıaq basy súıekteri synǵan 1996 jylǵy jigit qalalyq kópbeıindi aýrýhanaǵa jetkizildi.
Qazirgi kezde oqıǵanyń mán-jaıy anyqtalý ústinde.
Eske sala keteıik, budan buryn Oralda jol apatynan qaza tapqan adamnyń sheteldik bolyp shyqqanyn jazǵan bolatynbyz.
