Oralda avtokólik velosıped mingen adamdy qaǵyp, er adam kóz jumdy
ORAL. QazAqparat - Oralda búgin avtokólik velosıped mingen adamdy qaǵyp, er adam kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa «Jazıra» dúkeni aýdanynda «QazMunaıGaz» janar-jaǵarmaı quıý stansasy mańynda bolǵan.
Oqıǵa bolǵan jerge jedel járdem saǵat 03.57-de shaqyrylǵan. Jedel járdem brıgadasy 2 mınýttan keıin jetken. Alaıda jasy 35-terdegi er adam jedel járdem kelgenge deıin kóz jumǵan.
Qazirgi kezde oqıǵanyń jaı-japsary anyqtalýda.
Eske sala keteıik, keshe dál osy burylysta avtokóliktiń baǵanǵa soǵylyp, bir adamnyń qaza tapqanyn jazǵan bolatynbyz.
