Oralda avtokólik órtenip, kúıik shalǵan er adam aýrýhanaǵa jetkizildi
ORAL. QazAqparat – Oralda avtokólik órtenip, kúıik shalǵan er adam aýrýhanaǵa jetkizildi, dep habarlaıdy QazAqparat.
BQO TJ departamentiniń baspasóz qyzmeti málim etkenindeı, oqıǵa 19 jeltoqsan kúni tańmen qalaǵa qarasty Krýgloozernyı kentinde boldy.
Saǵat 05.48-de Pervomaı men Stroıtel kósheleriniń qıylysynda avtokóliktiń janyp jatqany jóninde habar túsken.
VAZ-21010 avtokóliginiń motor bóligi men ishki panelderi órtengen. Avtokólik ıesi, 32 jastaǵy turǵyn mas kúıinde artqy oryndyqta uıyqtap jatqan. Betinen, arqasynan, sol aıaǵy men bileginen 20 paıyz kúıik shalǵan er adam aýrýhanaǵa jatqyzyldy.
«Tilsiz jaý» №7 órt sóndirý bóliminiń kúshimen (5 adam, 1 tehnıka) saǵat 06.00-de oqshaýlanyp, 06.15-te tolyqtaı aýyzdyqtaldy.
Oblys boıynsha 5 jeltoqsanǵa deıin kólikte 81 órt tirkelgen.
Eske sala keteıik, budan buryn Oralda jol boıynda avtokólik janyp ketkenin jazǵan bolatynbyz.
