Oralda avtokólik órtenip, eki adam zardap shekti
ORAL. QazAqparat - Oralda avtokólik órtenip, eki adam zardap shekti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 15.19-da qala ortasyndaǵy «Mırlan» bazary aýdanynda boldy.
«VAZ-2106» avtokóligi otqa orandy.
Órt 16.29-da oqshaýlanyp, 16.47-de sóndirildi.
«Tilsiz jaýdy» aýyzdyqtaýǵa 5-órt sóndirý bóliminen 5 adam, 1 tehnıka jumyldyryldy.
Órt saldarynan kúıik shalǵan 1983 jylǵy júrgizýshi men 1980 jylǵy jolaýshy áıel aýrýhanaǵa jetkizildi. Olar dáriger qaraǵannan keıin úılerine jiberildi.
Eske sala keteıik, budan buryn BQO-da syra qaınatý kesheni otqa oranǵanyn jazǵan bolatynbyz.
